«Осҡон» («Искра») кинотеатрында бөйөк яҡташыбыҙ Рудольф Нуриев хаҡында фильм прокатҡа сыға. Фильм бары тик илебеҙҙең 3 ҡалаһында – Мәскәү, Санкт-Петербург һәм Өфөлә генә күрһәтеләсәк.

Бөгөнгө көндә йәш быуын данлыҡлы яҡташыбыҙ хаҡында белеп бөтмәй. Әммә уның 1961 йылда «иреклеккә табан һикереүен», йәғни Парижда үткән гастролдәрҙән һуң Советтар Союзына ҡайтыуҙан баш тартыуын бер ни тиклем ишетеп беләләр. Шуны ла әйтергә кәрәк, картинала был фактҡа баҫым яһарға тырышмайҙар, ә төп иғтибар уның шәхесенә, тормош төпкөлөнән донъя кимәленә күтәрелеүе хаҡында. Ысынлап та, бөйөк Кеше, ҡыҙыҡлы, ә бәлки, аяуһыҙ яҙмыш...

Фильмды 16, 18, 23, 25 октябрь «Осҡон» кинотеатрында ҡарарға була. Башлана 19.00 сәғәттә.