Ярышты ҡаланың Башҡорт йәштәре ойошмаһы уҙғара.

Йәштәр билдәләүенсә, бындай сара инде өс йыл рәттән ойошторолоп килә. Быйылғыһын Сочиҙағы Ҡышҡы Олимпия уйындарына арнап, Ауылпиада тип атағандар. Сараның исеме есеменә тура килә - ярыш программаһы боҙҙағы шаян уйындарға ҡороласаҡ. Еңеүселәр иҫтәлекле бүләктәр менән билдәләнәсәк. Ярыш аҙағында йәштәр йола буйынса күмәкләп фотоға төшөргә йыйына. Социаль селтәрҙәге мәғлүмәт буйынса, бөгөнгә Ауылпиадала башҡорт йәштәренән 80-дән ашыу егет һәм ҡыҙ ҡатнашырға теләк белдергән.