Стәрлетамаҡта - премьера!
28-29 ноябрь Стәрлетамаҡ концерт-театр берләшмәһендә Мөнир Ҡунафин пьесаһы буйынса «Тыңлайыҡ ваҡыт аҡҡанын» спектакленең премьераһы үтәсәк. Ҡуйыусы режиссеры Ш.Бабич исемендәге йәштәр премияһы лауреаты Рөстәм Хәкимов.
Авторҙың был пьесаһы йәшәйешебеҙҙең төп проблемаларын күтәрә. Спектакль тормош ҡиммәттәре, кешеләрҙең бер-береһенә булған мөнәсәбәте хаҡында.
Хәл-ваҡиғалар бәләкәй ҡалала урынлашҡан дауаханала бара. Ауыр сиргә дусар булған бәләкәй ҡыҙҙың ата-әсәһе мөрәжәғәте буйынса, ҡаланың йәмғиәт вәкилдәре консилиумға йыйыла. Улар араһында төрлө һөнәр эйәләре бар. Консилиумда ҡыҙҙың тормошон көйләп торған аппаратты башҡа баланы ҡотҡарыу өсөн һүндерергәме әллә юҡмы, тигән һорау ҡарала. Пьесаның фәлсәфәһе бына ошо сетерекле мәсьәләне хәл итергә тырышыуҙан тора...