Баш ҡалабыҙҙа Ғ.Камал исемендәге Татар драма театрының гастролдәре дауам итә. Күп һанлы һорауҙар буйынса 22 сентябрҙә Кәрим Тинчуриндың «Зәңгәр шәл»спектакле ҡабат уйнатыласаҡ.

Театр директоры Илфир Яҡупов әйтеүенсә, «Зәңгәр шәл»гә билеттар гастролдәр башланмаҫ борон һатылып бөткән. Әммә ҡала кассаларында әле лә был тамашаға билет һорап мөрәжәғәт итәләр. Шуға күрә театр етәкселеге спектаклде өҫтәмә рәүештә күрһәтеү тураһында ҡарар ҡабул иткән.

1926 йылда яҙылған пьеса әле лә үҙенең актуаллеген юғалтмай, ул күптән инде татар театрының визит карточкаһына әүерелгән. 

Ҡәҙерле дуҫтар! Йырлы-моңло театр донъяһына рәхим итегеҙ!