11 февраль көнө Мәжит Ғафури исемендәге Башҡорт дәүләт академия драма театры коллективы йәнә бер яңы әҫәр менән танышты - билдәле шағир, әлеге көндә театр сәхнәһендә уңыш менән барған «Хыялый» комедияһының авторы Салауат Әбүзәр өр-яңы пьесаһын - «Күрәҙәсе» трагикомедияһын тәҡдим итте. 

Рухиәт һәм тормош мәсьәләләре күтәрелгән әҫәр темаһы менән бик мауыҡтырғыс. Ҡыҙыу фекер алышыуҙарҙа изге маҡсаттан авторға пьеса өҫтөндә артабан мотлаҡ эшләргә - образдарҙы тәрәнәйтергә, ваҡиғаларҙы байытырға, ҡайһы бер сәхнә күренештәрен киңәйтергә тигән файҙалы теләктәр әйтелде.

Сығанаҡ: театр сайтынан алынды