Театрҙар өсөн март – гастролдәр миҙгеле. Быйылғы яҙғы гастролдәрен Мәжит Ғафури исемендәге Башҡорт академия драма театры үҙенең 95 йыллыҡ юбилейына һәм Мәҙәниәт йылына бағышлай.

Сығыштар:

11 мартта - Мәләүез ҡалаһында;

12 март - Мораҡта;

13 мартта – Ишембай ҡалаһында;

17 март- Салауат ҡалаһында;

18 март – Стәрлетамаҡ ҡалаһында була;

Театрҙың юбилей сараларын республикабыҙҙың тап үрҙә аталған ҡала һәм райондарынан башлауы һис тә осраҡлы түгел, сөнки Башҡорт дәүләт драма театры 1919 йылда БАССР-ҙың беренсе баш ҡалаһы Стәрлетамаҡта ойошторолған (тәүге спектакль ҡаланың «Мираж» кинотеатрында була) һәм ошо төбәк – театрҙың тыуған бишеге һанала.

Гастроль программаһында - йәштәрҙең ҙур театраль концерты: спектаклдәрҙән өҙөктәр, йыр-моңдар, дәртле бейеүҙәр, туған моңдар. Театр юбилейына арналған был гастролдәр 2014 - Мәҙәниәт йылының иң сағыу ваҡиғаларының береһе буласаҡ.

Республикабыҙҙың төп театрының тамашаларына рәхим итегеҙ, сәнғәт һөйөүселәр!