Баш ҡаланың "Беби-шлягер" өлгөлө вокал-эстрада студияһында шөғөлләнеүселәр Санкт-Петербургта үткән халыҡ-ара фестивалдә ҡатнашты. Ижади коллектив алты I, өс III урын һәм бер-нисә дипломант исемен яулай.

Студияның даны хәҙер республикала ғына түгел, тотош Рәсәй кимәлендә билдәле. Өфөлә үткән мәҙәни сараларҙың уртаһында балҡыған йәш йондоҙҙар ил кимәлендә уҙғарылған конкурс-фестивалдәрҙә йыш сығыш яһай. 

Сәхнә йондоҙо булыу еңел түгел. Балалар йырҙың һәр юлын бер-нисә тапҡыр ҡабатлай, хәрәкәттәрҙе камиллаштыра. Тырышлыҡ һәм түҙемлек йөҙәрләгән бәйгесе араһында уңышлы сығыш яһарға ярҙам итте лә инде, ти еңеүселәр.

Сәхнә, ижад өсөн һәр баланың күңеле асыҡ. Уға бары тик дөрөҫ йүнәлеш бирергә кәрәк, тип иҫәпләй студия педагогтары. Ә еңеүҙәр иһә ҡанат ҡуя һәм бар яҡлап та камиллашырға ярҙам итә. Афарин, кескәй йондоҙҙар!

Сығанаҡ: БЮТ сайтынан