13-14 сентябрҙә Октябрьский ҡалаһында үтәсәк республика Ҡурай байрамында ҡатнашыуға заявкалар ҡабул итеү дауам итә. Сара сиктәрендә ҡурайсылар һәм ҡурайсылар ансамблдәре бәйгеһе үтәсәк. Конкурста ҡатнашыусылар мотлаҡ үҙҙәре башҡарған кѳйҙѳң тарихын белергә тейеш. Сығыштарға танылған ҡурайсылар, сәнғәт оҫталары, ғалим-фольклорсылар, халыҡ ижады белгестәре, үткән конкурстарҙа еңеү яулаған бәйгеселәр баһа бирәсәк.