2013 йылдың 18 июнендә башҡорт сәнғәтендә яҡты йондоҙ булып балҡыған, талантлы ҡурайсы Рөстәм Шәрипов көтмәгәндә арабыҙҙан китте. Уға ни бары 36 йәш ине...

Рөстәм З.Исмәғилев исемендәге Өфө дәүләт сәнғәт академияһын тамамлағас, ал-ял белмәй Х.Әхмәтов исемендәге Башҡорт дәүләт филармонияһында тир түгә. Уның репертуарында халыҡ, эстрада, классик йүнәлешендәге күп һанлы композициялар. Ҡурайсы республикала үткән бөтә сараларҙың уртаһында ҡайнай. Шулай уҡ Башҡортостанды сит илдәрҙә күрһәтеүҙә лә әүҙем ҡатнашты. Ихласлығы, һөйкөмлөгө, талантлы булыуы менән ул тамашасының һөйөүен яуланы.

13 декабрь 19.00 сәғәттә Ҡурайсыны хөрмәт менән иҫкә алырға һеҙҙе лә саҡырабыҙ, дуҫтар!