Өфөнөң «Аҡбуҙат» ипподромында башҡорт лицей-интернатын тамамлаусылар ҙа XXII Олимпия уйындарында арнап үҙенсәлекле сара ойошторҙо. Олимпия уйындарына бағышланған ҡышҡы һабантуйҙа ҡатнашыусылар саф һауала файҙалы ла күңелле лә ял итте. Ҡышҡы футбол, хоккей, керлинг һымаҡ бәйгеләрҙә төрлө быуын вәкилдәре ихлас ҡатнашты. Салт аяҙ көн дә һәүәҫкәр спортсыларға көс-дәрт өҫтәне.

Бәйге майҙаны сағыу сығыштарҙан, шат тауыштарҙан гөр килде. Башҡорт лицей-интернатын тамамлаусыларҙы берләштереүсе һабантуйҙар йыл һайын уҙғарыла. Ойоштороусылар фекеренсә, бындай бәйгеләр йәш быуында сәләмәт тормошҡа һөйөү уятыуы менән дә әһәмиәтле.