Конкурсы башҡорт халҡының мәҙәни, рухи мираҫын үҫтереүгә һәм һаҡлауға ҙур көс һалған, БР-ҙың атҡаҙанған мәҙәниәт хеҙмәткәре, күренекле ҡурайсы – уҡытыусы Әҙеһәм Динислам улы Исҡужиндың яҡты иҫтәлеген мәңгеләштереү маҡсатында уҙғарыла.

Конкурста ҡатнашыусыларҙың йәше сикләнмәй. Ул ике турҙа үтә:

– 16 йәшкә тиклемгеләр;

– 16 йәштән һәм унан өлкәнерәктәр.

Конкурста ҡатнашыусы 16 йәштәге һәм унан өлкән ҡурайсылар мотлаҡ рәүештә «Урал», «Буранбай», «Бейеш», «Салауат», «Тәфтиләү», «Әрме», «Уйыл», «Ҡаһым түрә», «Ҡолой кантон», «Һыр», «Төйәләҫ», «Ҡуңыр буға», «Зәйнулла», «Ғилмияза», «Кәкүккәй», «Сибай», «Эскадрон», «Сәлимәкәй», «Ғайса ахун», «Һаҡмар» йырҙарын башҡарырға бурыслы.

Жюриҙың мотлаҡ программаға инмәгән көйҙәрҙе лә уйнап күрһәтеүҙе һорауы ихтимал. Башҡарған көйҙәрҙең тарихын белеү мөһим.

Ҡатнашыусыларҙың сығыштарын Өфө ҡалаһы ҡала округы хакимиәтенең мәҙәниәт һәм сәнғәт буйынса идаралығы раҫлаған жюри баһалаясаҡ.

Жюри составына билдәле ҡурайсылар, йырсылар, фольклорсы ғалимдар, мәҙәниәт оҫталары инә. 

Ойоштороусылар менән түбәндәге телефондар аша бәйләнеш тоторға мөмкин: 279-06-38, телефон – факс: 244-86-04, 279-06-54 е-mаil: Этот адрес электронной почты защищён от спам-ботов. У вас должен быть включен JavaScript для просмотра.