«Бергә булайыҡ, берҙәм булайыҡ!» тип аталған байрам – музыка фестивале 14 декабрҙә Өфө «Нур» дәүләт татар драма театрында үткәрелә. Уны Башҡортостан татарҙары милли-мәҙәни мөхтәриәте ойоштора.

Фестивалдә республиканың төрлө ҡала һәм райондарынан үҙешмәкәр коллективтар, мәктәп уҡыусылары ҡатнаша. Музыкаль тәбрикләү менән «Нур» театры артистары ла сығыш яһаясаҡ.

— Сараның маҡсаты – республикала йәшәүсе халыҡтар араһында дуҫлыҡты нығытыу, аралашыу, ял итеү. Бындай фестивалдәр кәрәк, беҙ киләсәктә лә ватандаштарыбыҙ өсөн ошондай дуҫлыҡ һәм берҙәмлек кисәләрен үткәрергә планлаштырабыҙ, — тип билдәләй байрамды ойоштороусылар.

Башлана 12 сәғәттә. Инеү ирекле.