Санкт-Петербургтың "Урбаника" территориаль планлаштырыу институты төҙөгән "Рәсәйҙең иң яҡшы 100 ҡалаһы" рейтингы һөҙөмтәләре буйынса беренсе урында 77,5 балл менән Краснодар ҡалаһы.

Икенсе урында Сорғот - 72,2 балл һәм бронза баҫҡыста 64,7 балл менән Екатеринбург ҡалаһы. Мәскәү менән Санкт-Петербург ни бары 48-се һәм 19-сы баҫҡыста. Башҡортостандың баш ҡалаһы 9-сы урын яулап, тәүге ун ҡала исемлегенә ингән. Былтыр Өфө 65 балл менән икенсе урында ине. Ул ваҡытта Краснодар ни бары 68 балл йыйғайны. Рәсәйҙең иң яҡшы йөҙ ҡалаһы исемлегенә шулай уҡ 62 балл менән күрше Татарстан Республикаһының баш ҡалаһы Ҡазан да инә. Балдарҙы иҫәпләгәндә эксперттар ҡалалағы хаҡтар сәйәсәте һәм тормош сифаты күрһәткестәренә иғтибар итә. "Урбаника" институты рейтингы быйыл өсөнсө тапҡыр уҙғарылды. Уның маҡсаты - Рәсәйҙең эре ҡалаларындағы социаль-иҡтисади үҫешендәге үҙгәрештәрҙе күрһәтеү.

Сығанаҡ: Башҡортостан юлдаш телевидениеһы сайтынан