Өфө яҙыусыһы Игорь Савельев Парижға осто: уның исеме «Рус китабы һәм рус телендәге әҙәбиәт көндәре» фестивалендә ҡатнашыу өсөн 24 автор иҫәбендә аталды. Фестиваль 31 ғинуарҙа һәм 1 февралдә Париждың бишенсе округы мэрияһында үтә. Фестиваль сиктәрендә, L’ Aube нәшриәте француз телендә тәржемә итеп сығарған, Рәсәйҙең йәш яҙыусылары китаптарының презентацияһы планлаштырылған, шул иҫәптә Игорь Савельевтың үткән йылдың авгусында һәм ноябрендә сыҡҡан ике китабы – «Бледный город» һәм «Терешкова летит на Марс».

Дүрт автор ҡатнашасаҡ, серияның презентацияһы 31 ғинуарҙа кисен Генрих IV исемендәге Париж Лицейы залында үтә.

Игорь Савельев һәм Ирэн Сокологорская (профессор-русист, «Бледный город» повесын француз теленә тржемә итеүсе) менән ижади осрашыу, «Автор һәм уның тәржемәсеһе» осрашыуҙар серияһы сиктәрендә, 1 февралдә Париждың бишенсе округы мэрияһында уҙасаҡ.

Бынан тыш, Рәсәйҙән йәш авторҙар делегацияһы икенсе майҙансыҡтарҙа сығыш яһаясаҡ: мәҫәлән, бөгөн кис уларҙың китаптарының презентацияһы Librarie du Globe китап магазинында үтә.

Игорь Савельев – яҙыусы, журналист, «Башинформ» агентлығы күҙәтеүсеһе. Әҙәбиәт, сәнғәт һәм архитектура өлкәһендә Шәйехзада Бабич исемендәге Дәүләт йәштәр премияһы лауреаты.

Сығанаҡ: "Башинформ" мәғлүмәт агенствоһы