Ҡала етәкселәренең ҡушыуы буйынса, Өфөнө яңы баннерҙар һәм плакаттар менән биҙәү өсөн ҡаҙнанан 10 млн. бүленәсәк. Был хаҡта ҡаланың коммуналь хужалыҡ һәм төҙөкләндереү идаралығы хәбәр итә.

В.И.Ленин исемендәге майҙанды, «Өфө-арена» боҙ һарайын, «Аҡбуҙат» ипподромын, Өфө моторҙар эшләү берекмәһенең мәҙәниәт һарайын һәм Ҡала мәҙәниәт һарайын биҙәү өсөн 5,8 млн., Затон һәм Дим биҫтәләренә 2,7 млн., С.Юлаев проспектын 1,2 млн. сарыф ителәсәк.