Тауарҙарҙы алыштырып, хатта, бушҡа алырға ла мөмкин булған сауҙала һәр кем үҙен һатыусы ролендә һынай алды.

Китаптар, видео кассеталар, DVD-диск, көнүҙәк техникалар, кейем-һалым тәҡдим ителгән сауҙала урындар һатыусыларға бушҡа бирелде. Йәрминкә күптән ҡулланылмаған әйберҙәргә икенсе һулыш биреүе менән үҙенсәлекле, ти сараны ойоштороусылар. Өҫтәүенә, сарала оҫталыҡ дәрестәре лә уҙғарылды. Бындай йәрминкәләрҙе киләсәктә лә үтәсәк.