Башҡортостан Республикаһы Президенты Рөстәм Хәмитов был хаҡта Мәҙәниәт министрлығының 60 йыллығына арналған коллегия ултырышында белдерҙе. Киләһе йылда ҡаҙнанан был өлкәгә 5,5 млрд. бүленәсәк. Иң әһәмиәтле ижади проекттарға гранттар бүленәсәк, мәҙәниәт хеҙмәткәрҙәренә торлаҡ төҙөләсәк, яҡшы инструменттар алынасаҡ, музыкаль мәктәптәр яңыртыласаҡ, һынлы сәнғәт мәктәптәре төҙөләсәк, ижади усаҡтар төҙөкләндереләсәк. «Былар барыһы ла рәсәй кимәленә күтәрелер өсөн эшләнә», - тип белдерҙе Рөстәм Зәки улы.