18, 19 февралдә Башҡорт дәүләт опера һәм балет театры бер актлы «Һүнгән йондоҙ яҡтыһы» балетының премьераһына саҡыра.
Либреттоны «Йөрәктау» башҡорт халыҡ легендаһы буйынса Ринат Абушахманов һәм Николай Попов яҙған. Балетмейстер – Ринат Абушахманов, ҡуйыусы рәссам – Фәниә Низамова, яҡтыртыу буйынса рәссам – Сердар Чарыев, видеорәссам – Эндрю Квинн (Италия/Австралия).
Спектакль тамашасыларҙы республиканың бай мираҫы, уның мәҙәниәте, традициялары, баһалап бөткөһөҙ мелодик ҡаҙанышы менән таныштырасаҡ. Бында Ханбулат батыр менән Айһылыу исемле ҡыҙҙың бәхетһеҙ мөхәббәте тураһында һүҙ бара.