Милли кейем — халыҡтың эске булмышының сағылышы. Кеше үҙенең күңел донъяһын кейеме аша асып бирергә ынтылһа, милләттең дә йәшәү рәүеше, көнкүреше, эске донъяһы тышҡы ҡиәфәтендә сағыла.
3 февраль Башҡортостан Республикаһының Милли музейында "Тамға" халыҡ-ара башҡорт милли кейеме оҫталары конкурсының иң яҡшы эштәре күргәҙмәһе асыласаҡ.
Экспозицияла проект финалистары, дизайнерҙарҙың эштәре тәҡдим ителә. Ошо күргәҙмәлә шулай уҡ билдәле авторҙарҙың милли кейем темаһына арналған фотоһүрәттәре менән танышырға мөмкин. Күргәҙмә сиктәрендә проект еңеүселәренән оҫталыҡ дәрестәре лә ойоштороласаҡ.
Үткәреү ваҡыты: 3-28 февраль.
Башҡортостан Республикаһының Милли музейы (Совет урамы, 14).