Иртәгә "Родина" кинотеатрының Йәшел залында "Ер һүҙе/онлайн" халыҡ-ара проекты сиктәрендә төшөрөлгән фильмдар күрһәтеләсәк. 

Проект Республика башлығы грантына БР граждандар йәмғиәтенә ярҙам күрһәтеү фонды ҡатнашлығында тормошҡа ашырылды. Ойоштороусылары - БР кинематографистар союзы һәм Булат Йосоповтың киномәктәбе. 

Проект барышында 140 ғариза ҡабул ителде, 80 ҡатнашыусы белгестәрҙең баһаламаһын алды. 50 сценарий яҙылып, шуларҙың 30-ҙан ашыуы буйынса фильмдар, социаль роликтар төшөрөлдө. Проект барышында 300-ҙән ашыу ирекмән ҡатнашты. 

Башҡорт, рус,татар, сыуаш, марий, эстон, удмурт телдәрендә кинокартиналар әҙерләнде. 

Кинотеатрҙа сара 12 сәғәттә башлана.