Кисә, 4 февралдә, Сибайҙа һәләтле йырсы, республика йыр бәйгеләре лауреаты Ғаяз Ғәйетбаевтың “Йөрәк тулы йыр булғас” тип исемләнгән концерты үтте.

Юморлы, заманса, йырлы-моңло, дәртле тамашаның сценарий авторы - Шәһит Хоҙайбирҙин исемендәге дәүләт премияһы лауреаты Миләүшә Ҡаһарманова, режиссеры – Башҡортостандың атҡаҙанған артисы Минзилә Ҡотошова, музыкаль етәксеһе - Башҡортостандың атҡаҙанған мәҙәниәт хеҙмәткәре Рәмил Туйсин, музыкаль биҙәүсеһе – Дим Шәрәфиев,  хореографы – Фәйрүзә Сәлимгәрәева.

Программала йырсы башҡарыуында яратҡан йырҙар һәм ижадташ дуҫтарының сығыштары булды. Ғаяз Ғәйетбаевты тамашасылар бик йылы, ихлас ҡабул итте, һәр сығышы дәррәү алҡыштарға күмелде.