Башҡорт кинорежиссеры Айнур Асҡаров "Кесе Ер" Беренсе асыҡ Рәсәй патриотик кино фестивалендә ҡатнашты, унда Мостай Кәримдең әҫәре буйынса "Өс таған" фильмын тәҡдим итте. Кинокартина "Иң тамашасылар фильмы" дипломына һәм тамашасылар һөйөүе призына лайыҡ булды.

Фестиваль 4-7 майҙа Новороссийскиҙа үтте. Унда Рәсәй режиссерҙарының тулы метражлы нәфис һәм документаль 23 кинотаҫмаһы ҡатнашты. Фестиваль сиктәрендә алты көн дауамында төрлө майҙансыҡтарҙа ижади оҫтаханалар, Рәсәй кинематографының билдәле эшмәкәрҙәре менән осрашыуҙар, концерттар һәм ижади кисәләр ойошторолдо.