М. Ғафури исемендәге Башҡорт академия драма театрының һәр яҙ Ҡазанда үтә торған ҙур гастролдәре уңышлы тамамланды. Алты көн эсендә ете спектакль, шуларҙың дүртәүһе премьера, бер пластик спектакль, музыкаль тамашалар күрһәтелде. Былар барыһы ла Татарстан халҡына хуш килде.

Гастролдәрҙе асыу тантанаһында Татарстан Республикаһының Мәҙәниәт министры урынбаҫары беҙҙең артистарға почет наградаларын биреп уҙғайны.

"Зөләйха күҙҙәрен аса" спектакленән һуң Татарстан Республикаһының "Мәҙәниәт өлкәһендәге уңыштары өсөн" почет знагы менән Башҡортостандың халыҡ артисы Илдар Ғүмәров бүләкләнде.