Бөгөн М. Ғафури исемендәге Башҡорт дәүләт академия драма театы артистары Татарстанға юл тота. 13-17 апрелдә Ҡазанда йәшәүселәр һәм ҡунаҡтар өсөн беҙҙең театр иң шәп спектаклдәр шәлкемен күрһәтәсәк.

Ике туғандаш республика араһындағы дуҫлыҡ күперен нығытыусы матур йола - М.Ғафури исемендәге Башҡорт академия драма театры һәм Ғ.Камал исемендәге Татар академия драма театры бәйләнеше. Йыл да ике театр алмаш гастролдәр менән тамашасыларҙы ҡыуандыра. 

6 көндә 7 спектакль, шуларҙың дүртеһе - премьера. Гастролдәр репертуарында ҙур формалы драма спектаклдәре, театрлаштырылған тамаша, пластик һәм музыкаль тамашалар йыйылған.