Өфөлә Башҡортостандың халыҡ шағиры Рәми Ғариповтың ижадына арналған әҙәби - музыкаль кисә уҙҙы
Ҡайтам! Ҡайтам!
Йырҙарыма ҡайтам!
Ҡалып тор һин, гүзәл баш ҡалам.
Минһеҙ ҙә бит бер ни булмаҫ һиңә,
Һин шауларһың минән башҡа ла!..
27 ғинуарҙа «Башҡортостан» дәүләт концерт залында Башҡортостандың халыҡ шағиры Рәми Ғариповтың ижадына арналған «Ҡайтам, ҡайтам, йырҙарыма ҡайтам!.. » тамашаһы ойошторолдо.
Әҙәби-музыкаль кисәгә халыҡ әүҙем йыйылды. Башҡорт теле һәм әҙәбиәте уҡытыусылары, яҙыусылар, зыялылар тулды залға.
Шулай уҡ кисәлә Әхтәм Абушахманов, Таңсулпан Бабичева, Рушанна Бабич, Артур Ҡунаҡбаев, Илгиз Тагиров, Рәмзил Сәлмәнов, Руслан Хайсаров, Радмир Абдуллин, Фирғәт Ғарипов, Илнур Лоҡманов, Салауат Юлдашбаев, Морат Рафиҡов, Лилиә Исҡужина, Гөлназ Мөхәмәҙиева ҡатнаштылар. «Ҡаруанһарай» фольклор - эстрада төркөмө, Азат Йыһаншин, Алһыу Бәхтиева, Әлим Ҡәйүмов, Фәрүәз Урмашин, Гөлсөм Бикбулатова, Айгиз Ханов, Светлана Хәкимова, Урал Ниғмәтуллиндар сығыш яһаны. Сәхнәгә шағирҙың балалары, ейәндәре лә сыҡты.
Кисәнең сценарий авторы - Гөлсәсәк Саламатова. Режиссеры - Таңсулпан Бабичева.
