Бүрәт академия драма театрында башҡорт яҙыусыһы Айгиз Баймөхәмәтовтың «Ҡалдырма, әсәй!» повесы буйынса «Аба эжын ургынууд» спектакленең репетициялары башланды. Ҡуйылыш өҫтөндә эшләү өсөн М. Ғафури исемендәге Башҡорт академия драма драма режиссеры Илсур Ҡаҙаҡбаев саҡырылған.

Әбйәлил районының  Буранғол ауылында донъялағы берҙән-бер  халыҡ кейеҙ йорто эшләй.  Бында  боронғо кәсепкә өйрәнеү түңәрәге лә, ижад емештәренең күргәҙмәһе лә  бар. Һарыҡ йөнөнән  әҙерләнгән кейемдәр,  картиналар һәм сувенирҙар сит ил ҡунаҡтарында ла ҙур ҡыҙыҡһыныу уятҡан. Хәҙер Буранғолдарҙың  ҡул эштәре Германия, Франция, Америка Ҡушма Штаттарында ла һаҡлана.

Илебеҙҙең баш ҡалаһында Мәскәүҙәге Башҡортостан яҡташтарының тормошо өсөн ҡыҙыҡлы ике сара үтте. «Радио Сити» клубында «Заман» төркөмөнөң тәүге «Пульсом» клибының исеме туйы уҙҙы.

Өфөлә «Урал батыр» тулы метражлы нәфис фильмында төп һәм башҡа ролдәргә кастинг иғлан ителгән. Ҡатнашыусылар 18-25 йәштә булырға тейеш, башҡорт телен белеү мотлаҡ. Кастинг 18 мартта көндөҙгө сәғәт 2-лә Башҡорт дәүләт филармонияһында уҙа.

“Матур ғаилә – ил ҡото” төбәк-ара форумы сигендә “Йәш быуынды тәрбиәләүҙә халыҡ педагогикаһының, диндең, халыҡ йолаларының, мәҙәниәттең һәм әҙәбиәттең роле” темаһына арналған “түңәрәк өҫтәл” ойошторолдо. Унда ғалимдар, уҡытыусылар, республика төбәктәренән килгән ата-әсәләр, ҡоролтай рәйестәре ҡатнашты.

Йәш һәләттәрҙе берләштергән концерт Ту-154 cамолетында һәләк булыусыларҙы иҫкә алыу маҡсатында ойошторолдо. Сарала ҡатнашыусыларға фондтың исемле стипендиялары ла тапшырылды.

Матур тәбиғәт ҡосағында ятҡан Белорет районының Йөйәк ауылы республикаға билдәле шәхестәр биргән, таланттарға бай тѳбәктәрҙең береһе булараҡ та танылыу алған. Ошо кѳндәрҙә уларҙың береһе, билдәле филолог һәм әҙәби тәнҡитсе, журналист, Башҡортостандың юғары мәктәбе вәкиле Зәки Әлибаев 50 йәшлек юбилейын билдәләне.

Өфөлә “Рәсәйҙең алтын ҡаурыйы: Марсель Сәлимов” тигән биобиблиографик баҫма донъя күрҙе. “Белая река” нәшриәтендә баҫылған йыйынтыҡ “Марсель Сәлимов. Журналист, шағир, яҙыусы-сатирик, йәмәғәт эшмәкәре” китабының дауамы булып тора. 

Башҡортостанда мәҙәниәт һәм сәнғәт эшмәкәрҙәренә республика Башлығы гранттарын иң сағыу ижади проекттар аласаҡ. Төбәк Мәҙәниәт министрлығының матбуғат хеҙмәтендә хәбәр итеүҙәренсә, уҙған көндәрҙә бойороҡҡа ҡул ҡуйылған.

Беренсе этапта, 27 февралгә тиклем, муниципалитет һәм ижади берекмәләр кимәлендә рус, башҡорт, татар йәки сыуаш телдәрендә яҙышҡан иң яҡшы үҙешмәкәр шағирҙар асыҡлана. Әҫәрҙәр «Бәләбәй хәбәрҙәре» гәзите редакцияһына ебәрелә. Икенсе этапта, 1 марттан 21-нә тиклем, жюри конкурс эштәрен ҡарай һәм дәғүәселәрҙән ете лауреат һәм дипломант билдәләй.

XXI быуат—ул прогресс һәм мәғлүмәти технологиялар быуаты. Ул кешеләргә яңы талаптар ҡуя һәм һәр ваҡыт алға ынтылырға, камиллашырға өндәй. Замандан артта ҡалмайым тиһәң, эшләргә лә, ял итергә лә өлгөрөү зарур. Театрҙарға йөрөргә, тәбиғәт ҡосағында булырға, музейға барырға кәрәк.

Сағыу декорация, иҫ киткес матур костюмдар, хис-тойғоларҙы ҡуйыртып ебәрерҙәй көй-моң... А.Мөбәрәков исемендәге Сибай башҡорт дәүләт драма театры сәхнәһенә сығарылған «Заятүләк менән Һыуһылыу» эпосы беҙҙе әкиәт донъяһына илтте. Әммә уны әкиәт тип әйтә күрмәгеҙ! Эйе, әҫәрҙең төп персонажы булған һыуһылыуҙар юҡ, ләкин унда күтәрелгән проблемалар бөгөн дә бик актуаль.

“Хыялға ҡаршы” спектакле 9 февралдә Белорет районы Инйәр ҡасабыһына юллана. Әйтергә кәрәк, был спектакль алыҫ араларҙы яҡынайтырға әүәҫләнгән. 

Тәрбиәүи эпостар, әкиәттәр,  риүәйәттәр, йырҙар рухи донъябыҙҙың алтын бағанаһын тәшкил итә. Арыҫлан Мөбәрәков исемендәге Сибай Башҡорт дәүләт драма театрында "Заятүләк менән Һыуһылыу" легендаһы сәхнәләштерелде.

Билдәле виртуоз ҡурайсы, бик күп конкурстар лауреаты, Ғата Сөләймәнов, Йомабай Иҫәнбаев, Кәрим Дияров һәм башҡа мәҙәниәт эшмәкәрҙәре менән бер рәттән исемен мәңгелеккә республикабыҙҙың музыка сәнғәте тарихына яҙған – Сәйфулла Дилмөхәмәтовҡа бөгөн 85 йәш тулған булыр ине.