10 апрель Башҡортостандың халыҡ, Татарстандың атҡаҙанған артисы Фәдис Ғәниев һәм Башҡортостандың, Татарстандың атҡаҙанған артискаһы Лилиә Биктимерова өр-яңы концерт программаһына саҡыра. Һоҡланғыс ғаилә пары булған һәләтле йырсылар унда юмор аша ир менән ҡатын мөнәсәбәттәрен, уларҙың бәхет эҙләү юлындағы мажараларын нәфис һүҙҙә лә, йыр аша ла бик ҡыҙыҡлы итеп сағылдырасаҡ. 

Тамашала Башҡортостандың халыҡ артисы Хәлит Фәтихов (баян), Башҡортостандың атҡаҙанған артисы Азат Биксурин (ҡурай), халыҡ-ара йыр бәйгеләре лауреаты Рифат Шәрәфетдинов, бейеүселәр – Татьяна Мутифи һәм Рөстәм Ғәндәлипов ҡатнаша.

Тамаша Башҡорт дәүләт филармонияһының ҙур залында үтәсәк.