"Нур" театрының балалар студияһы "Көнсығыш әкиәте" XXXIII Халыҡ-ара музыкаль-ижад конкурс-фестиваленең Гран-приһын яуланы. Уға кубок, 25000 һумлыҡ сертификат һәм Мәскәү конкурсында ҡатнашыуға саҡырыу тапшырылды. Студияның етәксеһе Ленария Фәнәүи ҡыҙы Хажиева "Иң яҡшы етәксе" номинацияһында еңеү яуланы.
Конкурс үткән аҙнала Ҡазанда үтте. Йәш артистарыбыҙ "Алтын асҡыс" спектакленән өҙөктө күрһәтте.
Студия коллективын һәм уның етәксеһе Л. Хажиеваны еңеү менән ихлас ҡотлайбыҙ һәм уларға ижади уңыштар һәм яңы үрҙәр теләйбеҙ!