24 мартта Театр декадаһы сиктәрендә Салауат башҡорт дәүләт драма театры Өфө тамашасыһына танылған башҡорт прозаигы, Башҡортостандың халыҡ яҙыусыһы, С.Юлаев исемендәге дәүләт премияһы лауреаты Ноғман Мусиндың «Ике ир һәм бер ҡатын» повесы буйынса "ҒҮМЕРҘЕҢ БЕР МӘЛЕ” спектаклен күрһәтте.
Спектаклде йәш режиссер Лиана Ниғмәтуллина сәхнәләштерҙе. Ҡуйыусы рәссам – Лилиә Хисмәтуллина, композитор – Илсаф Вәдүтов, хореограф – Ольга Даукаева, яҡтылыҡ рәссамы – Евгений Лисицын, вокал буйынса педагог– Айгөл Ғайсина.
Спектакль «Берҙәм Рәсәй» партияһының «Кесе Ватан мәҙәниәте» проекты сиктәрендә бойомға ашырыла. Тамаша башҡортса сәхнәләштерелә, рус теленә синхронлы тәржемә ителә.
“Өфө сәхнәһендә сығыш яһау - беҙҙең өсөн ҡыуаныслы ла,тулҡынландырғыслы ла хәл, үҙебеҙҙе икенсе тапҡыр премьера уйнаған һымаҡ итеп тоябыҙ. Сөнки спектакль йөрөй икән, әгәр ҙә Өфөгә килтерәләр икән, тимәк уның киләсәге бар тип уйлайым. Тамашасы спектаклде бик йылы ҡабул итте”, - тип фекерҙәре менән бүлеште Лиана Ниғмәтуллина.