18-се марттан 25-нә тиклем Өфө сәхнәләрендә Театр декадаһы сиктәрендә республикабыҙҙың төрлө театрҙары уҙған миҙгелдең иң уңышлы тип табылған һәм премьера спектаклдәре менән сығыш яһай. 

Кисә баш ҡала сәхнәһендә сибайҙар сығыш яһаны: "Сулпан" балалар театры "Тылсымлы ҡурай" спектаклен күрһәтте, кискеһен Сибай башҡорт драма театры "Шайморатов-генерал" спектаклен тмашасыларға тәҡдим итте.

Бөгөн Стәрлетамаҡ драма театры Әнғәм Атнабаевтың «Хушығыҙ, хыялдарым» исемле драмаһын ҡуясаҡ. 

24 мартта Салауат башҡорт драма театры Ноғман Мусиндың “Ике ир һәм бер ҡатын” повесы буйынса сәхнәләштерелгән “Ғүмерҙең бер мәле”  спектакле менән сығыш яһай.