Ошо көндәрҙә Мәкәрим Хөсәйен улы Төхвәтшин исемендәге һуҡырҙар өсөн республика махсус китапханаһының тифлонәшриәт бүлегендә Әнүр Вахитовтың «Шәжәрә» китабы донъя күрҙе, ул башҡорт телендә рельефлы-нөктәле шрифт менән баҫылған.

2022 йылдың 20 декабрендә башҡорт телен, башҡорт әҙәбиәтен, башҡорт ауыҙ-тел ижадын өйрәнеүгә үҙенең тормошон һәм йөрәгенең көсөн арнаған күренекле шәхес, яҙыусы һәм ғалим, фольклорсы һәм тәнҡитсе Әнүр Вахитовтың тыуыуына 90 йыл тула.

Китапта автор экспедиция ваҡытында табылған башҡорт телендәге боронғо китап хаҡында бәйән итә.

Техник эшкәртеү процесынан һуң баҫма махсус китапхананың республика ҡалаларындағы филиалдарына тапшырыласаҡ.