«Тамға» конкурсына старт быйыл июлдә бирелгәйне. Өсөнсөгә ойошторолған сарала ҡатнашырға теләүселәр күп булған, өс йөҙҙән ашыу заявка ҡабул ителә. Һайлап алыу этаптарын уңышлы үткән илле автор йомғаҡлау турына саҡырыла. Улар араһында халыҡ оҫталарынан тыш, профессиональ дизайнер, стилистар ҙа бар.

Сараға Үзбәкстан һәм Ҡырғыҙстан республикаларынан билдәле дизайнерҙар саҡырылғайны.  Ҡунаҡтар конкурс кимәлен юғары баһалап, хеҙмәттәшлек итеү тәҡдиме менән сыҡты.