23 июндә Сыуаш Республикаһының баш ҡалаһы Чебоксарҙа "Рәсәй шишмәләре" Бөтә Рәсәй халыҡ ижады фестивале аслды. Тантаналы сарала Рәсәйҙең 10 төбәгенән: Башҡортостан, Татарстан, Ульяновск, Тверь, Коми, Мари Иле, Мордва республикалары, Пермь крайы, Түбәнге Новгород һәм Рязань өлкәләренән ижади коллективтар ҡатнашты.

«Беҙ йылдан-йыл Рәсәйҙең һәр төбәгенең рухи шишмәләре менән тулыланабыҙ. Улар мәҙәниәтте һәм йолаларҙы йәшәткән берҙәм ағымға ҡушыла», - тип һыҙыҡ өҫтөнә алды сәләмләү телмәрендә Сыуаш Республикаһы Башлығы Олег Николаев.

24 июндә концерттар Сыуаш Республикаһы ҡалаларында үтәсәк. Көн һуңында фестиваль коллективтары ҡатнашлығында гала-концерт ойошторола.

Фестивалдә Башҡортостан Республикаһынан Өфө ҡалаһының «Аманат» халыҡ бейеүҙәре ансамбле ҡатнаша. Етәкселәре - Нәзифә һәм Әнфәр Нурмөхәмәтовтар.

Саралар тәүге тапҡыр Бөтә Рәсәй балалар фольклориадаһы сиктәрендә уҙғарыла.

Ойоштороусылар - Сыуаш Республикаһының Мәҙәниәт, милләттәр һәм архив эштәре буйынса министрлығы, «Трактор эшләүселәр мәҙәниәт йорто» республика халыҡ ижады үҙәге.