М.Ғафури исемендәге Башҡорт академия драма театрының "Ат уйнатып алдан бара..." спектакленең ижади төркөмө Салауат Юлаев исемендәге дәүләт премияһына тәҡдим ителде:

АРТУР КӘБИРОВ - легендар генерал-майор, Рәсәй Геройы Миңлеғәле Шайморатов ролен башҡарыусы актер;

ЗӨҺРӘ БУРАҠАЕВА - сәхнә әҫәре авторы;

РӘИС НИЗАМЕТДИНОВ - спектаклдең хореографы. 

19 сентябрь театрҙың ҙур сәхнәһендә “…Ат уйнатып алдан бара…” (З.Бураҡаева) спектакле күрһәтелде. Уны Башҡортостан Республикаһы Башлығы ҡарамағындағы әҙәбиәт, сәнғәт һәм архитектура өлкәһендә Салауат Юлаев исемендәге дәүләт премиялары буйынса комиссия ҡараны.

Спектакль БР Милли һәм Хәрби-тарихи музейҙар, БР Милли тарих архивы һәм Ә.Абдразаҡов исемендәге «Башҡортостан» киностудияһы фондтарында һаҡланған документтарға нигеҙләнеп яҙылған.

Иҫегеҙгә төшөрәбеҙ, Салауат Юлаев исемендәге дәүләт премияһы 11 октябрҙә тапшырыласаҡ.