Йырсы, музыкант-аккомпониаторҙың ижади әҫәрҙәрен филармонияның танылған һәм йәш йырсылары башҡарҙы. Байдамдың үҙәгендә юбиляр етәкселегендәге «Далан» эстрада төркөмө лә сығыш яһаны. Концерт программаһы менән ул Башҡортостан райондары, тыуған яғы Ырымбур өлкәһенә һәм Силәбе өлкәһенә барырға ниәтләй.

Артур Туҡтағоловтың йөҙҙән ашыу йыры бар, ул ижадында тыуған яҡты, ер-һыуҙарҙы һәм изге хистәрҙе данлай. Артур Бәҙри улын Башҡортостан һәм ил кимәлендә генә түгел, сит илдәр, бигерәк тә төрки донъяһында яратып тыңлайҙар. Ул ҡайҙа ғына сығыш яһамаһын – республикабыҙҙың, башҡорт халҡының патриот улы һәм һәләтле йырсыһы булып таныла.