19 мартта Башҡорт опера һәм балет театры сәхнәһендә Context.Diana Vishneva фестиваленең йәш хореографтар конкурсы еңеүсеһе Эрнест Нурғәленең «Беҙ исемһеҙ» исемле бер актлы балетының премьераһы була.

Спектакль «Нуриев көндәрен» ябасаҡ «Бейеү менән роман» театры балет труппаһы артистарының гала-концерты сиктәрендә күрһәтелә.

«Исемһеҙ» балеты ко-продукцияла эшләнгән һәм 2021 йылдың көҙөндә Мәскәүҙең «Гоголь-центр» театрында, Санкт-Петербургтың Каменноостров театрында Заманса хореография кисәһе барышында күрһәтелгән. Ошо спектакль өсөн махсус рәүештә Швейцария композиторы Фредерик Жарабо музыка яҙған.