Июнь айының бер көнөндә БР Милли музейында, “Ил күрке” акцияһы сиктәрендә, музей буйлап сәйәхәт С. Юлаевтың тыуған көнөнә арналды. Уны Фирҙәүес Ғилметдин ҡыҙы Хисаметдинова үткәрҙе. Уны беҙ һүҙ тылсымын аңлаған ғалимә, депутат, БР мәғариф өлкәһе өсөн баһалап бөткөһөҙ хеҙмәттәре һәм тел ғилемен өйрәнеүҙән үрелеп сыҡҡан, башҡорттарҙың элек-электән килгән белеме - донъяны аңлауы, ҡарашы, көнитмеше һәм рухи кодекстары менән бәйле бик күп китаптар авторы итеп беләләр.

Тормошо халҡына, фәнгә, белгәнен халҡына тапшырыуға бағышланған ханым БР, РФ ғилми донъяһында ғына түгел, сит илдәрҙә лә юғары дәрәжәләргә иреште, танылды. Халыҡ ғилемен төрлө китаптар аша ҡайтарған Фирҙәүес Ғилметдин ҡыҙы Хисаметдинова менән осрашыу бик ҡыҙыҡлы мәғлүмәттәргә бай булды.