Башҡортостандың мәҙәниәт министры Әминә Шафиҡова РСФСР-ҙың атҡаҙанған, БАССР-ҙың халыҡ артисы Олег Хановты 70 йәше менән ҡотланы һәм сәләмәтлек, яңы ҡаҙаныштар,бөтмәҫ илһам теләне.

"Ижад юлығыҙ – сәнғәткә, һөнәргә һәм тамашасыға тоғролоҡтоң сағыу өлгөһө. Һәләтлелек, иң яҡшы драма сәнғәте традицияларына тоғролоҡ һеҙгә һөнәри оҫталыҡҡа өлгәшергә, һоҡланғыс актер, режиссер, педагог булараҡ танылырға ярҙам итте. Сәхнәләге бик күп онотолмаҫ ролдәр, сағыу спектаклдәр Һеҙгә лайыҡлы билдәлелек һәм тамашасылар һөйөүен килтерҙе.

Эшлекле кеше булараҡ, Һеҙ иң ҡыйыу идеяларҙы һәм башланғыстарҙы тормошҡа ашыраһығыҙ. Шуныһы ҡыуаныслы: Һеҙ бөгөн дә сағыу премьералар, яңы әҫәрҙәр менән ижадығыҙҙы һөйөүселәрҙе шатландырыуҙы дауам итәһегеҙ", - тиелә ҡотлау телеграммаһында.