Учалы ҡалаһында III "Етегән йондоҙ" фольклор коллективтарының фестиваль-конкурсы быйыл онлайн үткәрелде. Фестиваль-конкурста Башҡортостандан, Силәбе һәм Ырымбур өлкәләренән 55 фольклор коллективы ҡатнашҡан.

Ижади бәйгелә Гран-приҙы Балаҡатай районынан "Серҙәш" халыҡ фольклор ансамбле яулаған (етәксеһе Сәйҙә Әхтәмова).

I урынды Мишкә районынан «Ший памаш» ("Көмөш шишмә") халыҡ фольклор коллективы (Анастасия Солтанбаева) һәм Учалы районынан «Аҡ теләк» ағинәйҙәр фольклор коллективы (Гөлфинә Йомағужина, Хәлимә Ғатауллина) алған.

II дәрәжә диплом менән Арғаяш районынан "Гүзәлем" фольклор ансамбле (Марина Вәлиуллина), Бөрйән районынан "Йәнбикә" фольклор коллективы (Гүзәл Фәйзуллина), Ишембай районынан "Хазина" башҡорт халыҡ фольклор коллективы (Елена Сәфәрова) бүләкләнгән.

III урында - Бөрйән районынан «Мираҫ» халыҡ фольклор ансамбле (Хәлиҙә Ғәҙелшина), Мәсетле районынан "Ҡабырсаҡ" башҡорт халыҡ фольклор коллективы (Рәсимә Әхмәтйәнова), Мейәс ҡалаһынан "Аҡ инәйҙәр" клубы (Бүләкәй Шафиҡова), Туймазы районынан "Тылсым" фольклор ансамбле (А.Сәғитова).