Фәйзи Ғәскәров исемендәге дәүләт академия халыҡ бейеүҙәре ансамбле Рәсәй ҡалалары буйлап ҙур гастролдәргә сыҡты.

Бейеүселәр октябрь айында Тверь, Бөйөк Новгород, Санкт-Петербург, Тихвин, Великие Луки, Мәскәү һәм Владимир ҡалаларында сығыш яһаясаҡ. Шулай уҡ ғәскәровсылар үҙҙәренең концерттары менән Санкт-Петербургта, Владимирҙа, Тверҙә, Бөйөк Новгородта Башҡортостан мәҙәниәте көндәрен асасаҡ.

Тамашаларҙа ансамбль «Донъя халыҡтары бейеүҙәре» программаһын күрһәтәсәк. Ул ЮНЕСКО-ның «Донъя илсеһе» исеменә һәм Парижда "Биш ҡитға" алтын миҙалына лайыҡ булған.
Ижади сәфәр «Беҙ – Рәсәй» милли коллективтар гастролдәре" программаһы буйынса үтә.

Проектты РФ Мәҙәниәт министрлығының "Беҙ - Рәсәй" программаһы буйынса "Росконцерт" ойоштора. Генераль мәғлүмәт партнеры – ТАСС. Билеттарҙы «Пушкин картаһы» буйынса ла алырға мөмкин.