Опера йырсыһы Илдар Абдразаҡов «Итальян телендәге йырҙарҙы һоҡланғыс итеп башҡарыусы» номинацияһында премияға лайыҡ булды.

Был хаҡта ул социаль селтәрҙәге сәхифәһендә хәбәр итте.

«Ла Скала театрында тәүге тапҡыр сығыш яһауыма егерме йыл тулған йылда Италияла премия алыу — минең өсөн ҙур хөрмәт! VLLABERTELLI фонды президенты Эрминдо Туччиға донъяла «Итальян телендәге йыр»ҙарҙы һоҡланғыс итеп башҡарыусы номинацияһындағы премия өсөн рәхмәт», — тип яҙҙы ул.

Илдар Абдразаков — Рәсәйҙең атҡаҙанған артисы, ике Грэмми премияһы эйәһе, Башҡортостандың һәм Татарстандың халыҡ артисы, Рәсәйҙең популяр опера йырсыларының береһе.