Ишембай районы Үрге Этҡол ауылының 11-се моделле китапхана-филиалында балаларҙы туҡыу сәнғәте менән таныштырҙылар. Иҫегеҙгә төшөрәбеҙ, моделле китапхана уҙған йылдың декабрендә «Мәҙәниәт» милли проектын тормошҡа ашырыу сиктәрендә асылғайны.

Туҡыу - ул боронғо һөнәр, уның тарихы тәүтормош йәмғиәте осоронан башлана һәм кешелекте бөтә үҫеш баҫҡыстарында оҙатып бара.

Китапханасы Гөлдәр Йәрмөхәмәтова туҡыусылыҡ барлыҡҡа килгәнгә тиклемге үрелгән әйберҙәр хаҡында һөйләне.

Фольклор төркөмөндә ҡатнашыусы, балаҫ һуғыу оҫтаһы Нәзирә Хәйбуллина һарыҡ йөнөнән еп эшләү буйынса оҫталыҡ дәресе күрһәтте.

Сара халыҡ кәсептәре буйынса интерактив викторина менән оҙатылып барҙы.