Мәскәүҙә Үҙәк кинематографсылар йортоноң ҙур залында “Шағир көндәлеге” фильмының премьераһы уҙҙы. Фильмдың сценарий авторы Гөлсәсәк Саламатова әйтеүенсә, Рәми Ғариповҡа арналған кино “Бабич” һәм “Беренсе республика” филмдарының дауамы булып тора.

Уны ҡарарға сәнғәт һәм мәҙәниәт өлкәһе вәкилдәре, яҡташтарыбыҙ килде. Илдең баш ҡалаһы тамашасыһы менән картина өҫтөндә эшләүселәр – Рәми ролен башҡарыусы Артур Ҡунаҡбаев, ҡуйыусы оператор Станислав Амбарцумов һәм ижади төркөм ағзалары осрашты.