27 апрелдә Нефтекама дәүләт филармонияһы сәхнәһендә мәктәп уҡыусылары һәм урта махсус һәм юғары уҡыу йорттары студенттары өсөн күренекле башҡорт композиторы Заһир Исмәғилевтың тыуыуына 105 йыл тулыуға арналған әҙәби-музыкаль программа ойошторола.

Сағыу концерт программаһында СССР-ҙың халыҡ артисының алтын мираҫынан әҫәрҙәр яңғыраясаҡ. «Халыҡ кисәһенән хәҙергегә тиклем» исемле музыкаль кисә-осрашыу филармония вокалистары һәм музыканттары ҡатнашлығында үтәсәк.

Тамашаны үҙенең сағыу сығыштары менән «Түңгәүер» бейеү ансамбле артистары ла биҙәйәсәк. Нефтекама дәүләт филармонияһы артистары әҙерләгән сағыу йыр-бейеү композициялары тамашасыларға онотолмаҫ тәьҫораттар бүләк итәсәк.

Билеттарҙы «Пушкин картаһы» буйынса һатып алырға мөмкин.