Өфөнөң "Нур" татар театры 16-20 ноябрҙә Чебоксар ҡалаһында үткән VI "Волга әкиәте" төбәк-ара йәш тамашасылар һәм йәштәр театрҙарының төбәк-ара фестивалендә ҡатнашты. Фестиваль онлайн-форматта үтте.

Фестиваль программаһында "Нур" театры Илнур Сөләймәнов ҡуйған "Айгөл иле" спектаклен тәҡдим итте. Жюри баһалары йомғаҡтары буйынса "Нур" театры артисы, Д.Сиразиев исемендәге премия лауреаты Ирина Ғәниева "Икенсе пландағы иң яҡшы ҡатын-ҡыҙ роле" номинацияһында еңеүсе тип танылды.

Актрисаны еңеү менән ҡотлайбыҙ һәм артабан да ижади уңыштар теләйбеҙ!