Өфө «Нур» татар дәүләт театры Мостай Кәримдең «Айгөл иле» спектакле менән (режиссеры - Зиннур Сөләймәнов) Иосиф Трер исемендәге «Волга әкиәте» VI төбәк-ара милли йәш тамашасылар һәм йәштәр театрҙары фестиваленә барасаҡ. «Нур» театры үҙенең спектакле менән 16 ноябрҙә фестивалде аса. 

Фестиваль Чебоксары ҡалаһында М. Сеспель исемендәге Сыуаш дәүләт йәш тамашасы театрында 2021 йылдың 16-21 ноябрендә уҙа.

Фестиваль сиктәрендә балалар һәм йәштәр өсөн милли драматургия лабораторияһы ойоштораласаҡ, унда йәш режиссерҙар иң яҡшы конкурс пьесалары буйынса эскиз ҡуйылыштарын тәҡдим итәсәк.