Өфөлә Башҡортостан Республикаһының атҡаҙанған мәҙәниәт хеҙмәткәре, эске хеҙмәт подполковнигы, композитор, дирижер Байрас Абдуллиндың (1951 - 2004) әҫәрҙәре йыйынтығы донъя күрҙе.

Йыйынтыҡҡа композиторҙың 33 музыкаль әҫәре, шулай уҡ шағир Фәнил Күзбәков һүҙҙәренә ижад ителгән хор, солист һәм оркестр өсөн "Башҡортостан" кантатаһы ингән. Шулай уҡ ҡушымтала ғаилә архивынан фотоһүрәттәр бар.

Китап музыкаль уҡыу йорттары уҡытыусыларына һәм студенттарына, музыканттарға, шулай уҡ киң уҡыусылар даирәһенә тәғәйенләнгән. 

Китап мәҙәниәт һәм сәнғәт эшмәкәрҙәренә Башҡортостан Республикаһы Башлығы грантына баҫылған.