Гүзәл заттар өсөн 9 мартта М.Х.Төхвәтшин исемендәге һуҡырҙар өсөн республика махсус китапханаһында китапханасылар дуҫлыҡ беләҙектәрен үреү буйынса «Ижадсы тылсымлы ҡулдар» оҫталыҡ дәресен үткәрҙе.

Китапхана хеҙмәткәрҙәре етәкселеге аҫтында китап уҡыусылар һәм ҡунаҡтар йөн-ептәрҙән һәм атлас таҫмаларҙан сағыу беләҙектәр үрә алды.

Беләҙектәр үреү барышында, «яңғырауыҡлы» режимда китапханасылар һәм ҡатнашыусылар рус һәм башҡорт телдәрендә яҙ, һөйөү хаҡында шиғырҙар уҡыны.