14 декабрҙә, Башҡорт теле көнөндә, Өфө ҡалаһының "Родина" кинотеатры тамашасыларҙы Башҡортостан кинематографистары төшөргән ҡыҫҡа метражлы фильмдар ҡарарға саҡыра.

Был көндә өс фильм тәҡдим ителә:

- «Әсе бал» - Айнур Асҡаровтың документаль-уйын фильмы солоҡсолоҡ менән шөғөлләнгән өлкән йәштәге ирҙең тормошо тураһында бәйән итә;

- «Асия» - Динара Әбдрәшитованың ҡыҫҡа метражлы фильмы. Асияның әсәһе ҡасандыр: "Атайың - летчик",- ти. Шунан бирле ҡыҙыҡай иртә һайын самолеттарҙы һауала күҙәтә һәм атаһын күрәсәгенә өмөтләнә;

- «Ете ҡыҙ театры» - Салауат драма театры тарихы тураһында Кирстен Гайнеттың документаль фильмы.

Осрашыу урыны: Йәшел зал.

Инеү бушлай.

Фильмдар башҡорт телендә күрһәтелә.