18 ноябрҙә Өфөлә БР-ҙың З. Вәлиди исемендәге Милли китапханһында шағирә Гөлназ Ҡотоеваның «Ҡот тамғаһы» тигән йыйынтығының исем туйы уҙа.

Яңы йыйынтың - шағирәнең алтынсы китабы. Йыйынтыҡта ул ырыу тарихы аша башҡорт халҡының яҙмышы хаҡындағы фәлсәфәүи уйҙарға этәрә. Китапта «Ғүмер ҡәҙере» хәссиәтнамәһе, «Ҡот тамғаһы» поэмаһы, шулай уҡ «Бирелгәндер ғүмер бүләк итеп» һәм «Үткәндәргә һалынған үрт» бүлектәренә ингән өр-яңы шиғырҙар тупланған.

Исем туйына БР Яҙыусылар союзы рәйесе, БР Дәүләт Йыйылышы - Ҡоролтай депутаты Зәки Әлибаевтың килеүе көтөлә. Тағы ла ижади осрашыуҙа яҙыусылар, журналистар, ғалимдар һәм артистар ҡатнаша.

Сара көндөҙгө сәғәт 2-лә башлана.

Урыны: Өфө ҡалаһы, Ленин урамы, 4-cе йорт,3- сө ҡат.